امثال شعبيه بغداديه

[ابن دجله والفرات]

بسم الله الرحمن الرحيم
اخواني واخواتي الاعضاء الكرام
كيف الاحوال لدي اقتراح او تكدرون تسمونه طلب مل عضو يدخل الى هذا الموضوع مطلوب من عنده مثل بغدادي قديم واني او واحد راح ابدي

اصبر على الحصرم تاكل عنب

الحرامي الي ملزمته جم عصا ضربته

[حزن الشمس]

اخي ابن دجله والفرات...مشكور على الموضوع :shock:


الامثال الي عندي



مو كل مدعبل جوز


و

لا تثرم على راسنا بصل


و


مَيّ - يعَيّبْ إلا المعيوب





انشاءالله تعجبكم

تحياتي :smile: :smile: :smile:

[ابن دجله والفرات]

حياج حزن الشمس ويكول ابو المثل

كوم حجار ولا هالجار

جفيان شر مله عليوي

ودمتم
:smile: :smile: :smile:

[حزن الشمس]

ابو المثل مخله شي ماقاله ;-)


مشكور ابن دجله والفرات .D


وابو المثل قال:

أتعلّم الواوي على أكل الدجاج

أمّن شحمه للبزّون

لو طخه لو إكسر مخه ....



حلو هذا المثل:جفيان شر مله عليوي :lol: :lol: :lol:
اول مرة اسمعه

تحياتي

[ابن دجله والفرات]

حزن الشمس شكرا على المشاركه
وابو المثل يكول
ايودي للشط ويرجعه عطشان

اصبر على اوله تعرف شنو تاليهه

اليدري يدري والميدري كظبة عدس

وشكرا احلى تحيه
.D .D .D

[حزن الشمس]

و ابو المثل يقول:

شفت شواربه وتغزلت بيه لو ما شواربه ماجنت الفيه.

هم نزل و هم يدبجون علصطح.

احاجيج يابنتي وأسمعج ياجنتي.


احلى من الامثال العراقية ماكو ;-)

انا شخصيا اموت عليههhttp://www.hyatuha.com/vb/images/smilies/eek2.gifhttp://www.hyatuha.com/vb/images/smilies/eek2.gif

[ابن دجله والفرات]

الاخت الفاضله حزن الشمس
صدقت احلى الامثال هي البغداديه وهي ذات معنى كبير

ابو المثل يكول
تالي الليل تسمع حس العياط
ويكول
الي يعيش بالحيله يموت بالفكر
وسلامتكم
:smile: :smile: :smile:

[حزن الشمس]

اخي العزيز ابن دجله والفرات....الموضوع كلش حلو!
يكول ابو المثل ...


المبلل ما يخاف من المطر.


للزنكين يكولوله بالعافيه وللفقير يكولوله هذا امنين .

ايسوي الشط مرك و الزور اخواشيك.


سلامات!

[فهد بغداد]

فعلى جبيني طبعت أحرف اسمك .......
وعلى شمس حياتي صارت عيناك ......
وعلى قلبي كتب عذاب حبك ........ أهداء الى كل عراقي
تحياتي
http://www.3arabawys.com/up/file/040225_coeur[1].gif
--------------------------------------------------------------------------------
أذكرني والذكرى عذاب ..... أذكرني ولو كنت تراب

[ابن دجله والفرات]

يابه يكول ابو المثل

عصفور كفل زرزور وثنينهم طياره

ويكول

هم مجدي وهم خنجره بحزامه

وسلامتكم

[حزن الشمس]

ويكول...

الميعرف يركص يكول الكاع عوجه .

إذا هذه مثل ذيج لا خوش بطه وخوش ديج.


تحياتي

[ابن دجله والفرات]

السلام عليكم
يكول ابو المثل

رمانتين بفد ايد متنلزم

ويكول

تريد ارنب اخذ ارنب تريد غزال اخذ ارنب

:smile: :smile: :smile:

[حزن الشمس]

ويكول

تتباهه الكرعه بشعر بتعمهه

جبّنا الاكرع يونسّنا ،طلّع صلعيتا و خوفنا

[ابن دجله والفرات]

الاخت حزن الشمس
احلى مثل ما الاكرع خوفنا هذا وين لكيتي :shock:

يكول ابو المثل
ادهدر الجدر ولكه قبغه

ال تلدغه الحيه بيده ايخاف من جرة الحبل
وسلامتكم
تحياتي!!!!!!
:smile: :smile: :smile:

[حزن الشمس]

ابن دجله والفرات...هههههه
ليكيتة بموقع عراقي ;-) :razz:


ويكول


مليوصة يا حسين الصافي

ما لقو بالورد عيب قالو خده احمر

تحياتي

[ابن دجله والفرات]

السلم عليكم
الاخت حزن الشمس شكرا على التواصل مع الموضوع :shock:
يكول ابو المثل

مركتنه على زياكنه

ويكول

من يوكع البعير تكثر سجاجينه
وسلمتكم
:smile: :smile: :smile:

[فهد بغداد]

السلام عليكم
مشكورين على هذه الامثال الرائعة وهذه امثال اخرى
امشي ورا الي بجيت ولاتمشي ورا الي يضحك
عصفورين بحجر واحد
اسأل مجرب ولاتسأل حكيم
الف صديق ولاعدو واحد
القرش الابيض ينفع في اليوم الاسود
تحياتي للجميع

http://www.shbabiat.com/uploader/pic/Fahadleb.jpg

[حزن الشمس]

مشكور ابن دجله والفرات...الموضوع اكثر من رائع
يسلمو فهد بغداد, كلش حلوة امثالك


يقول ابو المثل
الطول طول النخله والعقل عقل الصخله
ياكلون تمري ويضربوني بالنوة
تجيك التهايم وانت نايم


تحياتي

[ابن دجله والفرات]

السلام عليكم اخواني واخواتي

يابه ايكول ابو المثل

يامن تعب يامن شكه يامن على الحاضر لكه

مجّدي يجدي من مجّدي والله يرحمك ياجّدي

وانتو سالمين
:smile: :smile: :smile:

[فهد بغداد]

السلام عليكم
مشكورة اخت حزن الشمس
وابن دجلة والفرات على الامثال الجميلة
وأبو المثل يكول
اركض والعشاء خباز
ياأم حسين جنا وحدة صرنا اثنين.
تحياتي لكم
:shock: :shock: :shock:

[حزن الشمس]

السلام عليكم,
مشكورييين جميعا على الامثال

يابة ويكول..

الحلوه حلوه،حتى لو تلبسها كونيه>>>>هاي اكيييد ديقصدوني ;-)
او
الحلو حلو لو فز من نومتة
اخذ الشور من راس الثور



تحياتي للجميع
عــــــســـــــل

[ابن دجله والفرات]

بسم الله الرحمن الرحيم

يابه ويكول ابو المثل

الما رضا بجزه رضا بجزه وخروف

ويكول

تيتي تيتي مثل ما رحتي جيتي

اجمل تحيه وسلام

:smile: :smile: :smile:

[just_nr]

أبو المثل يكول :

أللي ما يعرف تدابيره حنطته تاكل شعيره

ويكول :

أللي ما ينوش العنب يكول حامض

تحياتي :-(

******* * ********

[حزن الشمس]

اسفة على التأخير :-?

يكول ابو المثل
ردناك عون طلعت فرعون

امشي شهر ولا تعبر نهر

تحياتي للجميع

[ابن دجله والفرات]

بسم الله الرحمن الرحيم

الاخوه والاخوات اعضاء المنتدى الكريم
عيد سعيد ان شاء الله ينعاد على الجميع بالخير واليمن والبركه
والسنه القادمه ان شاء الله ياتينا والعراق تحرر من اسره بعونه تعالى وما ذلك على الله بعزيز

نرجع لسالفتنه
يكول ابو المثل

لاحضت برجيله ولا خذت سيد علي

موت ياحمار لمن يجيك الربيع

وسلامتكم

:smile: :D :smile:

[فهد بغداد]

اعضاء وزوار منتدى البغدادية
قدم لكم باقة جمعتها لكم من اجمل الامثال البغدادية الرائعة . . مرفقة بتوضيح بعض مفرداتها

وما يقابلها في اللغة الفصحى من اجل بعض الاخوان العرب الذين قد يجهلون بعض مفردات اللهجة

البغدادية . . املا ان تعجبكم يا رب .


1. ( (العاضته حيه , يخاف من جرة الحبل .) )

2.( ( اطّعم الحلك , تستحي العين .))

ما يماثله في الفصحى : الاحسان يقطع اللسان .

او ( لن ينبح الكلب اذا رميته بعظمة )

3. (( سبع صنايع والبخت ضايع ))

يضرب هذا المثل على الذي يعرف الكثير من الحرف , لكنه لا يتقن واحدة منها .

4. (( لسان الطيب يطلع الحية من الزاغور ))

الزاغور : الثقب الضيق .

باللغة الفصحى : كل الابواب تفتح امام الكلام اللطيف .

5. (( موكل مدعبل جوز ))

ليس كل ما يلمع ذهبا

6. (( هم نزل وهم يدبج على السطح )) , (( ايده بالماعون واصابعه بالعيون ))

نزل : الضيف الذي يستقبل ويكرم في الدار .

يضرب المثل على ان الذين يكرمون من المقابل , من العيب ان يطلبوا المزيد .

7. (( الما يسوكه مرضعه , سوك العصي ما ينفعه ))

مرضعه : مربيه .

الانسان الذي لم يربيه مربيه جيدا , لا ينفع معه بعد حين حتى ضرب العصا . او يقال في الفصحى

الطبع الاعوج لا يقومه التثقيف .

8. (( يسوي من الحباية كباية , ومن البكه جمل ))

البكه : البعوض

لا تهول المشاكل , وتعظم الامور فتعمل من التل الصغير جبلا .

9. (( الدنيا كون , كلمن همه لون ))

لكل قاب همه .

10. ((كلمن ذنبه على جنبه ))

كل انسان يتحمل مسؤولية اخطائه .

11. (( يا كثرة احبابي يوم ظرفي دبس , ويا قلة احبابي يوم ظرفي يبس ))

اذا كثر مالي فكل الناس خلاني .

يكثر الاصدقاء عندما تكون محفظة المال مملوؤة .

12. (( ركبته ورايه , مد ايده بالخرج ))

الخرج : الجيب الذي يوضع فيه المال

يضرب هذا المثل على الذين يخونون من يكرمهم . . كم يقول الشاعر اذا انت اكرمت اللئيم تمردا

13. (( يا حافر البير لا تغمج مساحيها . . . خاف الفلك يندار وانت التكع بيها ))

فعلا من حفر حفرة لاخيه قد ياتي يوم يقع فيها .

14. (( المبلل ميخاف من المطر ))

15.(( اذا اني مير وانت مير , لعد منو يسوك الحمير ؟ ))

مير : امير يسوك : يقود

اذا انا متكبر وانت متكبر , والجميع يريدون ان يصبحوا اغنياء , فمن الذي سيقوم بقيادة الدواب والزراعة

والتنظيف . . . الخ

16. ((لو تفك بابك وتفتخر , لو تسد بابك وتنستر ))

اذا لم يكن لديك ما تفتخر به امام الناس فكن متواضعا ولا تمشي متكبرا .

17. (( المينوش العنب , يكول حامض ))

من السهل على الانسان ان يحتقر ما لا يستطيع نيله .

18.(( بعرس اليتيمة , غاب الكمر ))

الكمر : القمر

هنالك من الناس من لا يبتسم له الحظ ابدا .

19. (( طلعها من حلك السبع , خشت ببطن الواوية )) , (( انهزم من جوة المطر وكع جوة المزريب ))

المزريب : انبوب فوهته في سطح الدار ينزل منه ماء المطر المتجمع الى حديقة الدار .

يضرب المثلين للذين يحاولون التخلص من محنة فيقعون في محنة اشد منها . . كالمستجير من الرمضاء بالنار .

20. ( ( بالوجه مرايه وبالكفه سلايه ))

مرايه : المراة يضرب بها المثل لصفائها ولاستواء سطحها .

الكفه : ما يستتر خلف الظاهر .

يضرب هذا المثل على المنافقين واصحاب الوجوه المتلونة فواحدهم في الظاهر حمل وفي الباطن ذئب .


وما هذه الامثال الا غيض من فيض
تحياتي لكم

[ابن دجله والفرات]

بسم الله الرحمن الرحيم
الاخ الفاضل فهد بغداد مشكور على ما جاد قلمك من امثال وتفسير لها

واليكم بعض ما قال ابو المثل

يتعب ابو كلاش وياكل ابو جزمه

اصبر على الحصرم تاكل عنب

وسلامتكم
تحياتي للجميع
:smile: :D :smile:

[فهد بغداد]

هاي شباب
هذا مثلَ

الحجارة اللي ماتعجبك تفجخك.

تحياتي للجميع

http://www.alrafdain.com/pic2783596_pr.gif

[zamaan]

شفت شواربه وتغزلت بيه لو ماشواربه ماكنت احاجيه

مو كل من صخم وجهه صار حداد

طابوق نام وشكنك نام

تي تي مثل مارحتي جيتي

تريد ارنب هاك ارنب تريد غزال هاك ارنب

[zamaan]

مد رجلك على قد لحافك
اتغدى وتمدى وتعشى وتمشى
اكبر منك بيوم اعقل منك بسنة
الي يسمع كلمة مرته يموت بعلته
لو بالسراجين لو بالظلمة... وهذه تنفع بمناسبة غياب شئ اسمه الكهرباء...