كبة الموصل الشهيرة [الأرشيف] - منتدى البغدادية

baraa1978

11-26-2007, 06:01 PM

السلام عليكم ورحمة الله وبركاته
اني اول مرة اشارك بهذا المنتدى بس اني اعشق الأكل فد مرة وراح احجيلكم على كبة الموصل
المواد الأولية
1- برغل
2- جريش
3- لحم
4- بهارات
5- ملح
6- لوز او جوز وحسب الرغبة
طريقة العمل
نعجن اللحم وية البرغل والجريش بحيث ميبين اللحم من البرغل اثنينهم سوة والافضل نخليهم بالهاون ونظل نظربهم بالهاون
ملاحظة اللحم هنا ني مو مطبوخ!!!!!
نسوي الحجشية ونخلي البهارات حسب الرغبة والملح هم
اما اللوز والجوز هاي بعد بكيفكم
نجيب جيس نايلون ونقطعة بالنص ونخلي البرغل فوك واحد وندوسة بالشوبك حتى يتساوى على شكل دائرة
وبالقطعة الاخرى نسوي نفس الشئ
نجيب الحشية ونفرشها على وحدة من القطعتين الي سويناها وبعدين نجيب القطعة الاخرى مال البرغل ونخليه فوك القطعة الي بيها الحشية
نساوي الاطراف بحيث تصير قطعى وحدة
نغلي مي بجدر شوية جبير او صينية مال تبسي ومن يفور المي نخلي الكبة بمصفية ونخليها بالمي ومن تفور نطلع الكبة وتكالوها بالــــــــــــــــ1000ــــ ـــــــــــــــف عافية
ملاحظة المصفية نسخدمها حتى الكبة متنكسر
ارجو ان اكون قد وفقت وياكم وجنت خفيف الظل
اخوكم
براء الطائي

وردة

11-29-2007, 10:10 AM

الف شكر اخ براء الطائي على مشاركتك الحلوة وان شاء الله متكون الاخيرة

عاشت ايدك على الوصفة اللي تجنن مال كبة
بس عندي طلب يمك بلا زحمة عليك اريد تكتبلنة المقادير مال الوصفة :oops:
حتى تصير مضبوطة مية 100% مثل طريقتك
ومثل طعمها هم هاي اهم شي لان مبين انت فنان مضبوط في صنع الكبة الموصلية الشهيرة