المساعد الشخصي الرقمي

مشاهدة النسخة كاملة : هل انت/انتي ابن عوائل سؤال يطرح نفسه


علي الياسري
10-08-2007, 10:20 PM
هل انت/انتي ابن عوائل سؤال يطرح نفسه
اذا خمس نقاط او اكثر انطبقت عليك فمبروك انت ابن عوائل
ومثل ما يكول ابو المثل"عذبوني ولد العوائل"

اذا اربع وعشرين ساعة لابس رسمي وطاك المناظر (لازم ماركة) ومعلك السويج...فانت ابن عوائل

اذا تحجي اكثر من كلمتين انكليزي باليوم ...فانت ابن عوائل

اذا مغيرة لون شعرج اكثر من 3 مرات ...فانتي بنت عوائل

اذا مسافر بحياتك اكثر من 3 دول ... فانت ابن عوائل

اذا عندك اي بود ... فانت ابن عوائل

اذا عندج اكثر من 3 قطع (ماكس فاكتر) او (لانكوم) ...فانتي بنت عوائل

اذا تشرب ريد بول والبيبسي الا دايت او ماكس ...فانت ابن عوائل

اذا ما سامع رعد الناصري قبل ...فانت ابن عوائل

اذا تنعزم اكثر من ميلاد او عرس بالشهر ...فانت ابن عوائل

اذا مصوت لستار اكاديمي قبل... فانت ابن عوائل

اذا اكو بجيبك كلينكس (فاين) ...فانت ابن عوائل

اذا تتابعين برنامج بالصراحة احلى كثير على الام بي سي ...فانتي بنت عوائل

اذا تكتب نوتس ورا الدكتور بالمحاضرة ...فانت ابن عوائل

اذا انت اسكيمو ...فانت ابن عوائل واذا ما تعرف معنى اسكيمو ...فانت ابن عوائل

اذا ما لاعب طوبة حافي ولا مفجوخ ... فانت ابن عوائل

اذا ما ماكلة باجة وتلعب نفسج من التشريب ... فانتي بنت عوائل

اذا تجذب اقل من 3 جذبات باليوم ...فانت ابن عوائل

اذا تردد على مكان للعوائل فقط ... فانت اكيد ابن عوائل

اذا ما تتصيد بالماء العكر (خاص بالشلة)... فانت ابن عوائل

اذا تعوف اكثر من نص دينار (0.7$) اكرامية ... فانت ابن عوائل

اذا تلبس شورت بالجامعة وحذاء بلا جواريب ... فانت ابن عوائل

اذا تحضرين هدومج للدوام من الليل... فانتي بنت عوائل

اذا موبايلك بيه رصيد اكثر من3 دنانير (4.2$) ...فانت ابن عوائل

بالدومنة اذا بيدك الهب بياض وما تربط ... فانت ابن عوائل

اذا ما تداوم للجامعة اله القميص مضروب اوتي... فانت ابن عوائل

اذا ما ضارب اشارة قبل..وتمشي 80 بشارع الاردن...فانت ابن عوائل

اذا تعدلين المكياج اكثر من مرتين خلال الدوام... فانتي بنت عوائل

اذا تتريك يومية ... فانت ابن عوائل

اذا تصعد البنطرون فوك الصرة ... فانت ابن عوائل

اذا مضروب بوري وما فكتك الصفنة اسبوع ... فانت ابن عوائل

اذا مربي حيوان بالبيت(حشى المطيرجية) ... فانت ابن عوائل

اذا ما شارب تمر هند قبل ... فانت ابن عوائل

اذا ما تحدد السكسوكة الا يم الحلاق ... فانت ابن عوائل

اذا لابسة جواريب كصيرة للجعب وياها بوتين ...فانتي بنت عوائل

اذا ما تقبل تشتري هدوم من جبل الحسين ... فانت ابن عوائل

اذا ما تاكل تشريب الا بالخاشوكة ... فانت ابن عوائل

اذا تلبس ساعة باليمنة ... فانت ابن عوائل

اذا كنت احد عشاق سامو زين ... فانت ابن عوائل

اذا ما يعجبك الردح وتسمع كله غربي ... فانت ابن عوائل

اذا 24 ساعة طاك السماعة البلوتوث ... فانت ابن عوائل

اذا تتريك كورن فليكس ... فانت ابن عوائل

اذا ما لازم سرة عالخبز قبل ...فانت ابن عوائل

اذا تفول سيارتك بانزين خالي من الرصاص ... فانت ابن عوائل

اذا ورا ما تزين تخلي افتر شايف ... فانت ابن عوائل

اذا ما تدخن ... فانت ابن عوائل واذا تدخن وجكايرك اغلى من دينار وربع(1.75 $) ...فانت ابن عوائل

اذا لونج المفضل هو البنكي ... فانتي بنت عوائل

اذا جوازك جي... فأنت أبن عوائل

اذا ما تعرف المعنى الحقيقي للحديقة وما محدق قبل ... فانت ابن عوائل

اذا تسولف على بطولات الحرب وانت جنت خاتل ... فانت ابن عوائل ما تدري شنو السالفة

اذا حتى ملابس داخلية جديدة تشتري عالعيد ... فانت ابن عوائل

اذا لابسة خارطة العراق وانتي اصلا ما تعرفين ترسميها ... فانتي بنت عوائل فارتها وطنيات

اذا انت لويجي فانت ابن عوائل ... واذا ما تعرف شنو لويجي ... فانت ابن عوائل
علي الياسري
10-08-2007, 10:27 PM
شوفوا اني حصلت على 13 نقطة
يلا فوتوا وحسبوا نقاطكم وميخالف تحملوني لان هواية اسئلة انتظر ردودكم ونقاطكم اوكي
سلمى البغدادية
10-09-2007, 12:47 AM
ههههههههههههههههههههههههه هههههه حلوة شكراااااااااااا علي عى الموضوع واني جمعت 15 نقطة................
تورية
10-09-2007, 02:23 AM
شوفوا اني اول شي اسوي انه احجي اكثر من كلمتين انكليزي باليوم بس مو دائما
ومسامعة ابد رعد الناصري
وعندي اكلينكس 24 ساعة يمي لانه دائما منشولة اصملة عليكم
واشوف برنامج بالصراحة اكتير احلى لانه كولش احبه
وما ماكلة باجة ابد ايع ماحبها
ودائما احضر المكانات مال العوائل كله بيت صديقتي وبيت كرايبنه لعد اشعبالكم ناس واصلهه ههههههههه
وطبعا احضر الهدوم مال الدوام باليل هذا شي اكيد
وشوفوا اشلون طلعت بنت عوائل وحصلت بس 7 نقاط على عدد عائلتي هههههههه اشلون صدفة يلة ا نعم الله المهم بنت عوائل
ههههههههههه شكراااااااااااااا عالموضوع الحلو
نونو
10-09-2007, 09:51 AM
اذا كنت احد عشاق سامو زين ... فانت ابن عوائل هااي عجبتني.........حلو الموضوع..
بس نسيت احسب النقاط مالتي مع الاسف بس مشكوررررررررر يا روعة علئ الموضوع...
علي الياسري
10-09-2007, 05:17 PM
هههههههههههههه شنو سلمى يعني انتي اعلى وحدة بينة اشلون جبتي 15 نقطة اذا هي اسئلة البنات 9 ؟؟؟
وتوري 7 خطية على الحافة بس المهم عبرتي
وعيني نونو رجعي مرة ثانية حسبي النقاط مو تغلسين عليهن انتظر الرد اللي بي عدد النقاط

مشكورين كلكم على مروركم الحلووو والرد وانتوا كلكم احسن ناس وكلكم ولد وبنات عوائل
سيف المسيحي
10-09-2007, 09:24 PM
صدك علاوي اني جمعت 20 نقطه
بس اقوى وحده مال تسجيل محاضرات ورا الدكتور واكيد ممحسوبه وياهم
علي الياسري
10-09-2007, 09:37 PM
سيوفي كول نقطتين اي بس مو 20 على العموم شكرا على المرور
سيف المسيحي
10-09-2007, 10:41 PM
شنو علا وي متصدكني يابه بروح ابويه على كولت توريه صحيح
علي الياسري
10-10-2007, 09:17 AM
ههههههههههههههههههههههه سيف صدكتك مو الخاطرك الخاطر توري لان انت مال تجمع 20 جذب انت صديقي واني اعرفك تعلمني بيك بس الخاطر توري صدكتك
نونو
10-10-2007, 10:38 AM
اااااااااااااشو شباب اني طلع عندي 16 نقطة مشاء الله ههههههه الله يزيد...
تسلللللللللللللم علئ موضوع الحلووووووووووووو...
علي الياسري
10-11-2007, 09:41 PM
ما شاء الله عليج نونو ههههههههههههههههه
شكرا على المرور الحلوو والرد تسلمين
بابلية
10-12-2007, 08:40 AM
ههههههههههههههههههههه يسلموووووووووو عالموضوع الحلو


طلعلي 6 نقاط



وشكرا عالموضوع
علي الياسري
10-12-2007, 04:07 PM
شكرا بابلية على المرور الحلوو والمشاركة تسلمين
سندريلاالشرق
10-18-2007, 04:35 PM
علاوي اني طلعلي 9 نقاط فانت شتكول
علي الياسري
10-18-2007, 08:04 PM
شكرا سندريلا على المرور والرد ويعني اني قابل اشاكول يعني عادي
سندريلاالشرق
10-23-2007, 02:27 PM
لا اشنون عادي اني يسعدني اعرف رأيك
علي الياسري
11-07-2007, 06:40 PM
اي يعني سندريلا انتي مو وصلتي فوك ال5 يعني خلص انتي بنت عوائل مو هو هذا اللي ترديني اكولة لو ترديني اكول غير شي يعني ؟؟؟؟ F GRD