مختارات من الدارمي

[layla]

الخضر هذا اعليك وانته ابمسية
كلبك يصد للغير لو بس عليه
الجواب :D
والخضر والعباس واليمه كلهم
اعيونج ابحور العين مامش بدلهم :D
الجواب
لاتحلف اترجاك باليمه وتعد
ماهي التحب ملكاك من حكها تنشد
--------------------------------------------
البيده زف اهوه كلبه اشكواته S
يتوجه عالرمحين خوفه الشماته
*******
البيده زف اهواه بس الله يدري
اعظم مثال ايصير للهوى .. العذري S
*****
البيده زف اهواه جن رفض عمره
من يرد تالي الليل كلبه اشيصبره
S ********* S

[layla]

الشاعر:
لشرك اضلوعي اثنين بيهن وخليك
بلجي اتهجع وتنام روحي التهم بيك
*******
الجواب
تشرك اضلوعك ليش انه اولى بيهن
وبالكلب فوت وجور واسحك..عليهن
*****
الجواب
اعتب يخي لاتكول العتب مرفوع
اليحب يبجي عليك ما يسحك اضلوع
*****
الجواب
جان العتب مرفوع بس هسه لاله
غالي الضلع لاتدوس يالصرت عاله
:?: ---------------------------------------------------------------------
اريد انشدك يفلان يل بلهوى استاد
تكدر تخيط اجروح ماالهن اضماد
******
اكدر اخيط اجروح كلبك وتبرة
بس لو حبيب الروح يلظملي الابرة
******
خل جرحي ينزف دوم ماريدة يبرة
جف الجرحني اشلون يلظملك.. ابرة
*****
كتلة اجرحتني وكال تكبر وتنسه
والينسه جرح الشوك جن ناسي نفسه
:smile:

[layla]

خل روحك ابعز دوم بالك تذلها :D
او لا تطلب الحاجات الا امن اهلها
***********
متوازي والحاجات غياب اهلها
وهذا الوكت للانذال خلاني اذلها
**********
لا لا تذل الروح من يجفي خلك
مل هو لو ظنيت بالحب يملك
**********
جربت ماخليت للعشرة كل باب
حتى لبحضن الروح هم طلعوا اجناب
***********
خل روحك ابعز دوم من تعشك النوب
ومن العشك ظم كلبك وتوب
:smile: :smile: :smile:

[ابن دجله والفرات]

الاخت الفاضله ليلى
احلى كلام واحلى وصف
مشكوره اختي على كل ما تفضلت به
تقبلي اجمل تحيه وسلام
:smile: :smile: :smile:

[layla]

مشكور يااخي وان شاء الله اكتب عن قريب بعض الدارمي ولو كنت اتمني ان يجيبني اي من الاخوات والاخوة بدارمي ايضا لتكون اجمل .
تقبل تحياتي
ليلى

[فهد بغداد]

مشكورة على هذا الكلام الجميل
تحياتي
http://alsafa.net/vbb/pic/mshtaaq.jpg
:-( :D :-(

[layla]

مشكور يااخي وان شاء الله عن قريب
هذا حوار الدارمي بين الام وابنتها :
الام:
شفتج اوياه تمشين هذا الصبي امنين
بنتي ويغار اعليج بالج ..تنكرين
البنت:
سولفلي ابوي وكال باول شبابة
حبج ابعفة وشاف ضيمة وعذابة
الام:
يابنتي جان الشوك مو مثل هسة
غيرة وشرف ودموع والملكة خلسة
البنت:
انت ابزمان الفات وانة ابزماني
غلطانة وتريدين مثلج اعاني
الام:
هسة ارد انشدج عاد عن اليحبج
لعبة وكت وتروح لو هم يخطبج
-------------------------------------------------
مثلك كنت بصباي والحب ظلمني
حد الجدم طخيت محد ..رحمني
مع تحياتي
ليلى